Хятадын Үндэсний Статистикийн газрын мэдээллээр, 2024 онд Өвөр Монголын үр тарианы ургац хураалт анх удаа 40 тэрбум кг-ын босгыг давж, 41 тэрбум кг-д хүрчээ. Ийнхүү үр тарианы нийт ургацаар Хятад улсдаа зургадугаар байранд эрэмбэлэгдэв. Сүүлийн 6 жилийн турш Өвөр Монголын үр тарианы ургац хураалт 35 тэрбум кг-аас дээш байсаар иржээ. Өвөр Монголын тариалангийн талбай 2024 онд 7 сая га-д хүрч, нэг га тутмаас дунджаар 5848 кг ургац авчээ. Энэ амжилтад хүрэхэд сайн тариалангийн талбай бий болгох, шилдэг соортуудыг нэвтрүүлэх, дэвшилтэт технологи ашиглах, зохион байгуулалтыг сайжруулах зэрэг арга хэмжээг хэрэгжүүлсэн нь чухал үүрэг гүйцэтгэжээ. Цаашид арга барилаа үргэлжлүүлэн сайжруулж, үр тарианы ургацыг нэмэгдүүлэхэд дэмжлэг үзүүлнэ.
Эх сурвалж : https://mongol.cri.cn, Хөлөнбуйр хотын Хам зуучлуурын төвийн Содбилэг, Бүрэнбаяр, Гялбаа, Цэнгэл, Яргуй
DORNODMEDIA.MN