Өнөөдөр буюу 6-р сарын 16-нд Хятад улсын дарга Ши Жиньпин Казахстаны Астана хотод Хятад-Төв Азийн дээд хэмжээний 2-р чуулга уулзалтад оролцохоор хүрэлцэн очиход, Хятадын төв радио телевизийн хийж бүтээсэн "Ши Жиньпиний ишлэх дуртай хэлц үг" нэвтрүүлгийн нээлтийн арга хэмжээ Казахстаны ерөнхийлөгчийн ордонд болов. Казахстаны Ерөнхийлөгч К.Токаев баярын захидал илгээж, нэвтрүүлэг цацагдсанд халуун баяр хүргэв. Мөн өдрөөс эхэлж, нэвтрүүлгийг Казахстаны Торгоны зам, Хабар, Атамекен телевиз, мөн “Казахстаны аж үйлдвэрийн сонин”-ы албан ёсны вэбсайт, Киргизийн үндэсний телевиз, радио компани, Тажикистаны "Захонамо" үндэсний телевиз, "Ховар" үндэсний мэдээллийн агентлагийн албан ёсны вэбсайт, Туркменистаны мэдээллийн сүлжээ, Узбекистаны залуучуудын телевиз зэрэг Төв Азийн таван орны хэвлэл мэдээллийн хэрэгслээр дамжуулах болно."Ши Жиньпиний ишлэх дуртай хэлц үг" нэвтрүүлэгт Ши Жиньпин даргын чухал илтгэл, нийтлэл, ярианд дурдсан хятад шүлэг, зүйрлэлүүдийг сонгож, нээлттэй хамтын ажиллагаа, шинжлэх ухаан, технологийн хөгжил, экологийн хамгаалалт, соёлын шинэчлэл зэрэг сэдвүүдэд анхаарал хандуулж, олон улсын өнцөг болон амьд жишээгээр дамжуулж, Төв Азийн үзэгчдэд Ши Жиньпиний улс орныг удирдах бодлын гүн гүнзгий түүх, соёлын үндсийг тайлбарлаж, Хятад маягийн орчин үеийн шинэчлэлийн үр бүтээмжийг харуулах болно.
Арга хэмжээний үеэр, Казахстаны Төрийн зөвлөх Калин, ХКН-ын Төв хорооны суртал ухуулгын орлогч сайд, Хятадын төв радио телевизийн захирал Шэн Хайшион, Казахстаны Соёл, мэдээллийн сайд Балаева, Киргизийн Төрийн мэдээллийн агентлагийн ерөнхийлөгч Шерметалиев, Тажикистаны Үндэсний радио телевизийн хорооны нэгдүгээр орлогч дарга Оримзода, Узбекистаны “Ардын дуун сонин”-ы ерөнхий редакторын орлогч Кенинзеев нар үг хэлэв.
Эх сурвалж：https://mongol.cri.cn, Хөлөнбуйр хотын Хам зуучлуурын төвийн Содбилэг, Бүрэнбаяр, Гялбаа, Цэнгэл, Яргуй
DORNODMEDIA.MN